„Београдски синдикат“ се враќа на Таксират 21
После 6 години, најголемиот хип-хоп колектив од Србија, „Београдски синдикат“ – се враќа на Таксират 21.
Групата е оформена на 21.3.1999 година, три дена пред НАТО агресија на тогашната СР Југославија. Со текот на годините, „Београдски синдикат“ прерасна во една од најмоќните рап групи во Србија.
Нивните песни често укажуваат на различни проблеми во општеството. Едни од нејзините најпознати песни кои се однесуваат на општествените проблеми се „Niko ne može da zna“, „Welcome to Srbija“, „Pravo kroz vetar“, „Zajebi“ и „Sistem te laže“.
Во 2010 година го објавија албумот „Diskretni heroji“, кој можеше бесплатно да се симне од официјалниот сајт на „Београдски синдикат“.
На 28 април 2012, групата одржа самостоен концерт во Белградска арена, кој претставува и нивен најголем концерт.
Легендите од Дорчол на 7-ми декември во СЦ „Борис Трајковски“, ветуваат енергичен настап со гласни пораки без забранети теми.
„Bssst… Tišinčina!“, „Govedinа“, „Svi zajedno“, „Oni su“, „Diskretni heroji“ ќе бидат дел од the best of настапот на Таксират 21.