“SHOWBIZ” – Никола Ѓуричко

Македонската публика покажа голем интерес за новото стенд-ап шоу на Никола Ѓуричко, „SHOWBIZ“, продолжувајќи го неговиот престој во Скопје за уште една вечер. Првиот закажан датум на 7 март е веќе целосно распродаден, а оние кои немаа прилика да го набават својот билет за оваа изведба, ќе имаат можност да уживаат во неговите шеги и на 6 март, повторно во Македонска Филхармонија со почеток од 20 часот.

По пауза од 3 години, 2023 Никола ја започнува со многубројни успешни настапи и распродадени шоуа низ Балканот и Европа, а на мапата ќе дојде на ред и Скопје! Новиот материјал на Ѓуричко вклучува анегдоти и поуки од неговиот живот како Холивудски актер и занимливости од неговиот приватен живот со неговото семејство, кои – за среќа – ги има многу!

Никола Ѓуричко е српски актер, роден во Белград во 1974 година. Подеднакво е активен и на филм, телевизија и театар, а првата позначајна улога ја добива во 1989 година во култниот филм „Последниот Круг во Монца“. Го знаеме и од филмовите: „Муње“, „Кога ќе пораснам ќе бидам Кенгур“, „Седум и пол“, „Монтевидео, Бог те видео“, итн, итн…

Има освојувано многу награди во текот на својата исклучително богата актерска кариера, а од неодамна со своето семејство живее во Лос Анџелес (САД), каде за кратко време успева да го освои и Холивуд во улогата на Јури Исмајлов во последната сезона на хит серијата на Netflix “Stranger Things”.

Presented by #ТАКСИРАТ25 во соработка со Skopje Comedy.