31-05-2018

Peter Bence

Македонска Филхармонија 20:00

MKTickets Logo

Купи карта online
ЦЕНИ НА БИЛЕТИ:

1-6 ред: 1100 денари

6-19: 1000 денари

20-26: 900 денари

Унгарскиот пијанистички виртуоз ПИТЕР БЕНС (PETER BENCE), кој го освои интернетот со своите аранжмани на хитовите на Мајкл Џексон, Квин и Сиа, собирајќи досега повеќе од 200 милиони прегледувања, на 31-ви мај за првпат гостува во Македонија! Новата светска пијанистичка сензација гостува кај нас во рамки на програмата за одбележување на јубилејниот 20-ти Таксират Фестивал, а неговиот концерт ќе се одржи во Македонска Филхармонија во Скопје.

ПИТЕР БЕНС, младиот пијанист, композитор и продуцент е новата голема ѕвезда на музичкото небо кој ги распродава концертите секаде ширум Европа и кој е запишан во Гинисовата книга на рекорди како пијанистот со најбрзи прсти. Од класична до филмска музика, од рок до поп, од Бах до Битлси, овој генијален музичар со својата енергична и експресивна изведба ги руши сите бариери помеѓу класичната и модерната музика. Според Гинисовата книга на рекорди, Питер Бенс во 2012-та стана светски рекордер по бројот на отсвирени клавирски ноти во минута (765), а со интензивниот начин на свирење и претставувајќи го пијаното на сосема ново ниво, тој веќе важи како инспирација на различни генерации, како и на сите вљубеници во музиката ширум светот.

Светскиот пијанистички феномен, Питер својот музички пат го започнал на возраст од само две години, на клавирот на неговиот дедо, свирејќи по слух мелодии од своите омилени анимирани филмови. На седум години ја напишал својата прва композиција, испирирана од Моцарт и Шопен, а веќе на 11 години го претставува и својот прв солистички албум. Во тинејџерските години почнал да покажува голем интерес за филмската музика, особено за музиката на Џон Вилијамс – познат по саундтракот за „Војна на Ѕвездите“, кој за Питер отвора сосема нов свет во кој потоа и самиот ќе се пронајде.

Исклучително музички образован, Бенс по основното музичко училиште го продолжува образованието на Беркли музичкиот колеџ во Бостон, САД. Но, едно од најголемите влијанија на него е и музиката на Мајкл Џексон, па тој во 2015-та година на „Јутјуб“ ја објавува својата прва обработка на хитот „Bad“ и за само неколку дена неговото видео собира 10 милиони прегледувања.

Минатата година тој отсвире 20 концерти на четири континенти, вклучувајќи го и настапот за отворањето на музичкиот фестивал BBC PROM во Лондон, пред публика од 50 илјади посетители.

Сензацијата на овој млад пијанист е во неговата врвна клавирска техника, неверојатниот талент и скромноста. Откако ги освои социјалните мрежи и сите љубители на врвната музика, исклучително талентираниот музичар за првпат гостува во Македонија и на 31-ви мај ќе ја исполни концертната сала на Македонската Филхармонија со громогласните и импресивни звуци на неговото пијано.

Важно

* ограничување во продажбата на НАЈМНОГУ 4 БИЛЕТИ ПО КУПУВАЧ!

ЦЕНИ НА БИЛЕТИ:
1-5 ред 1100 ден.
6-19 ред 1000 ден.
20-26 ред 900 ден.