29-05-2018

Gogol Bordello

Младински Културен Центар Влез: 19:30 / Почеток: 20:30

MKTickets Logo

Купи карта online
ЦЕНИ НА БИЛЕТИ:

Early bird: 500 денари, /// SOLD OUT ///

Промо:  600 денари

Стандард: 700 денари

Покрај веќе потврдените гостувања на KRAFTWERK и LORD OF THE DANCE, ТАКСИРАТ #20 со задоволство го најавува и концертот на  GOGOL BORDELLO, славниот џипси-панк бенд и еден од најимпресивните liveбендови на денешницата, кој на 29-ти мај гостува во Младински Културен Центар во Скопје, а во рамки на светската Seekers And Finders турнеја за истоимениот, нов албум.

Комбинирајќи ги панк и ромската музика со хумор и ефектни, хаотични и енергични сценски настапи, Gogol Bordello ја раскажува приказната за имигрантите и дијаспората. Предводникот на бендот, украинецот Еуген Хуц, бегајќи од катастрофата во Чернобил, се вљубува во мистичните тонови и богатството на ромската музика која не ѝ припаѓа на „мејнстримот“, но со која е поврзан и од семејните корени. Живеејќи како бегалец во Европа, и самиот го искусил животот во кој не припаѓа никаде, сѐ додека музичкиот пат не го одведе во Њујорк каде што го оформува бендот.

Во 1999-та година го објавуваат првиот албум „Voi-La Intruder“ кој го претставува ворлд-мјузик звукот отсвирен во полна панк брзина, а на кој како соработник и продуцент се потпишува и Џим Скалвунос тапанарот на Nick Cave & The Bad Seeds. Комплетниот бенд со гитари, тапани, хармоника и саксофон на ова издание звучи моќно, а за дополнителна популарност придонесе и самиот Хуц пуштајќи џипси музика во ноќните клубови. Подоцна нивната уникатност и креативност ја освојува и популарната музичка ѕвезда Мадона, која соработува со Gogol Bordello на нејзиното режисерско деби, филмот „Filth and Wisdom“ во кој, покрај музиката, Еуген Хуц е задолжен и за главната улога.

Неповторливиот еклектичен бенд следната година гостува во Скопје промовирајќи го новиот албум „Seekers And Finders“ објавен во август годинава, а кој се појавува четири години по студискиот претходник „Pura Vida Conspiracy“ (2013).

Со осумте досега студиски изданија, подоцна проследени со небројни турнеи, со незапирливиот продор на Еуген на уметничката и филмската сцена, како и поддршката од глобалните суперѕвезди како Мадона, членовите на Gogol Bordello со право важат за големи меѓународни музички ѕвезди кои од андерграунд легенди прераснаа во интернационален феномен. Gogol Bordello е бенд за кој се вели дека постојано го истражува креативниот пекол и ја напаѓа човечката пасивност, бенд кој оди и чекор над музиката, над политичкото, насочувајќи го вниманието кон уметничката револуција на глобалното доба, а следната година нивната нескротлива сценска енергија ќе имаме прилика да ја доживееме и во Скопје.

ТАКСИРАТ следната година го прославува своето јубилејно 20-то издание, во чии рамки со концертот на GOGOL BORDELLO македонската публика има загарантирана незаборавна вечер на 29-ти мај во МКЦ. Влезниците за овој концерт ќе бидат достапни преку продажната мрежа на МкТикетс, од четврток, 21-ви декември 2017 и тоа по првата најповолна цена.

И уште многу значајни настани ќе ја исполнат 20-ката на ТАКСИРАТ кои ќе бидат објавени наскоро. За 20 години алтернатива во Македонија: ПРЕВРТИ ГО СКОПЈЕ НАОПАКУ!

Важно

* цените се лимитирани на само 300 билети во секоја категорија и важат до распродавање на контингентот

ЦЕНИ НА БИЛЕТИ:
Early bird (sold out)
500 ден.
Промо 600 ден.
Стандард 700 ден.

Продажни места

СКОПЈЕ

  • Југотон, ГТЦ 1ви кат | Контакт: 2 323 9860 | пон-пет: 09-21ч. / саб: 09-15ч.
  • Универзална Сала, бул. Партизански одреди бб | Контакт: 2 324 5614 | пон-пет: 12-20ч.
  • Т. А. Атлантик Турс, ул. Стале Попов 9 | Контакт: 2 3109 825 // 2 3109 826 | пон-пет: 09-21ч. / саб: 09-15ч
  • Тобако 2 – Аеродром, бул. Јане Сандански | пон-нед: 07-24ч.
  • Тобако Југодрво, бул. Кочо Рацин 9 (Кај Олимписки Базен) | пон-нед: 07-24ч.
  • Т. А. Атлантис, бул. “Јане Сандански” бр.82/1-12 , Т.Ц Бисер, о.Аеродром | Контакт: +389 2 60 92 212

ШТИП

  • Coffee Lab, Кеј Маршал Тито | Контакт: (032) 605 222 | нед-пет: 08-24ч. / саб: 08-01ч.

ПРИЛЕП

  • T.A. Бран, ул. Пере Тошев 75 | Контакт: (048) 411-188 // (048) 434-606 | пон-пет: 08.30-20.30ч. / саб: 08.30-18ч.

ВЕЛЕС

  • T.A. Атлантис, ул. Стале Попов 9, Скопје 1000 | Контакт: 2 3109 825 // 2 3109 826 | пон-пет: 09-21ч. / саб: 09-15ч.

ГОСТИВАР

  • Вона Пет, ул. Живко Брајковски 15 | Контакт: 078 399 228

СТРУМИЦА

  • Кафе Бар Концепт, ул. Благој Јанков Мучето 30 | Контакт: 075 347 502 | пон-пет: 08-01ч. / саб: 09-01ч.
  • Т.А. Атлантис, ул. Димитар Влахов 18, | Контакт: +389 34 345 212

БИТОЛА

  • Т.А. Ана Турс, Комплекс „Безистен“ | Контакт: (047) 203 580 | пон-пет: 09-16ч. / саб: 09-14ч.

КАВАДАРЦИ

  • Т.А. Атлантик Турс, ул. Илинденска | Контакт: (043) 420 885 | пон-пет: 09-21ч. / саб: 09-15ч.

ОХРИД

  • Т.А. Глобус Травел, ул. Кузман Јосифовски 2 | Контакт: (046) 611 511 // 078 421 454 | пон-пет: 09-21ч. / саб: 10-20ч.

КОЧАНИ

  • Т.А. Либеро Травел, ул. Теодосија Паунов 16/2, спроти КАМ | Контакт: (033) 272 800 // 072 272 800 | пон-пет: 08.30-20ч. / саб: 09-16ч.