Таксират 26

Hot Since 82Велика Британија

Конечно, заштитното лице на светскиот тек-хаус звук пристигнува прв пат кај нас, со настап на главната бина на #ТАКСИРАТ2024 !

HOT SINCE 82 - еден од најуспешните британски диџеи и продуценти, хедлајнер на најголемите електронски бини во светот: од Coachella до Glastonbury, од лондонски Fabric до Pacha на Ибица. Артистот чија музика критиката ја опишува како „најсофистицираната во Велика Британија“, годинава е задолжен за официјалното затворање на ТАКСИРАТ ФЕСТИВАЛ во Скопје!

Röyksopp (DJ set)Норвешка

RÖYKSOPP, норвешката електро-поп легенда пристигнува на ТАКСИРАТ!

Култното име на современата музика од Европа го оформуваат пријателите Torbjrn Brundtland и Svein Berge во 1998 година, а потоа го објавуваат и албумот „Melody A.M“ кој ги лансираше на самиот врв на светската сцена. Музиката на Röyksopp ја отсликува нивната дуалистичка природа, спојувајќи ја тагата и среќата, темнината и хуморот, епските и наивните елементи, во синергија која создава беспрекорно уметничко единство.

Ослободени од конвенционалните форми и постојано поместувајќи ги креативните граници, Röyksopp создаваат длабока и безвременска музика. Тие се пионери на свој посебен жанр во кој маестрално вплетуваат винтиџ филмска музика, прог-рок, синт-поп мелодии и клубска култура. Од самиот старт нивната музика ги издвои од сите други во Норвешка или каде било во светот во тоа време, а потоа влијаеше и врз различни жанрови, од хаус до психоделичен рок.

Baby LasagnaХрватска

Baby Lasagna на ТАКСИРАТ ФЕСТИВАЛ во Скопје!

Впечатлив поп-панк звук и моќни рифови ни пристигнуваат на главна бина со експлозивниот настап на BABY LASAGNA, прв пат во Македонија!

Глобално обожуван со евровизискиот мегахит „Rim Tim Tagi Dim“, тој се најде во Топ 5 на „Global Spotify‘s Viral 50“ и „Top 50 Global“ листите, а во моментов само на Spotify брои повеќе од 50 милиони стримови! Со неверојатен концертен успех годинава оствари и четири месеци однапред распродадени концерти во Полска, виенскиот кој поради огромен интерес беше преселен во трипати поголема арена, три распродадени стадионски концерти во Загреб и секако, настапите како хедлајнер на најголемите фестивали во регионов. За следната година, веќе е закажана голема турнеја низ ЕУ и Велика Британија, и тоа во продукција на Live Nation, најголемата светска промотерска куќа.

На самиот крај од неговата фантастична година, Baby Lasagna пристигнува и кај нас!

ПартибрејкерсСрбија

Повеќе од 40 години кариера, ненадминливо моќни во живо, панк енергија, блузерска душа и гараж став го одликуваат најискрениот рок бенд на овие простори! Ова митско име од регионалната сцена ни ги носи вечните хитови на главна бина!
Исти, посебни, само свои: ПАРТИБРЕЈКЕРС!

ElementalХрватска

Омилениот концертен бенд во регионов ни се придружува на ТАКСИРАТ!

Загрепскиот состав Elemental е докажан меѓу најдобрите изведувачи во живо на Балканот, шармантно еклектичен и со уникатен музички потпис кој е жанр сам по себе. Повеќе од 25 години кариера, експлозија од звук и енергија, искрени текстови, моќни настапи и наградени албуми се гаранција дека најавуваме одличен провод на главната фестивалска вечер.

Prti Bee GeeСрбија

На главната фестивалска вечер ни се придружуваат исклучително почитувани момци во рап заедницата ширум регионов, од уличната сцена па до најголемите фестивалски бини. Белградските олдскул рап великани со повеќе од 20 години постоење се меѓу највлијателните хип-хоп состави на овие простори и докажани мајстори за добар провод!

Ružno PačeСловенија

Ружно Паче е 23-годишен уметник од Словенија кој комбинира жанрови како панк-рок со поджанрови на електронската музика. Всушност, за неговото дело не важи ниедна жанровска определба, но тоа, и тоа како важи за глас на новата генерација, одлично прифатен од страна на публиката во регионов. Музичкиот проект беше лансиран во 2019 со синглот „Volim Tebe Mrzim Sebe“, кој се појавува и во самообјавениот деби албум „Hentai, Spid & Emo Pank!!“ во 2020 година. Самиот Ружно Паче ја создава и уметничката насока на проектот со серија графики во свој препознатлив стил.