Таксират #21

Peter Bjorn and JohnШведска

Шведското инди-поп трио, познати по синглот „Young Folks“, ќе триумфира со нивната алхемија на различни тонови и стилови на фестивалското финале на Таксират 21.

Почетоците на бендот Peter Bjorn and John се од времето на нивните средношколски денови во 1999 година кога Peter го запознал Björn и формирале група, а по аудицијата за тапанар им се приклучил и John. Нивниот деби-албум се појавил во 2002 година и е снимен на евтин продуцентски софтвер што самите го набавиле.

Публиката ширум светот ги познаваат по нивниот хит „Young Folks“ од 2006 година, кој се најде на сите топ-листи, во многу филмови, ТВ серии, па дури и на видеoигри. Како што самите велат, тајната за нивното постоење се наоѓа во постојано менување на звукот. По две децении посветеност и свирење низ различни координати на светот, објавиле девет студиски албуми и секој нов албум звучи како прво заљубување во музиката. Нивниот деветти студиски албум „Endless Dream“ е доказ за креативната и уникатната хемија на Peter Morén, Björn Yttling и John Eriksson, кои долго време работеле на него.

Peter Bjorn and John ќе настапат на главната вечер на Таксират 21 на 7-ми декември во СЦ Борис Трајковски, заедно со претходно најавените изведувачи: Chase & Status и „Хладно пиво“.

Хладно ПивоХрватска

Ги пееме нивните песни, зошто животот зборува преку нив. Ги обожаваме нивните концерти, зошто генерации и генерации растеа со нив на овие простори.

Најголемиот хрватски панк-рок бенд „Хладно пиво“, предводени од Миле Кекин, се враќаат во Скопје за фестивалското крунисување на 21-во издание на Таксират. Познати како мајстори на концерти во живо и со неуморна панк-рок кариера од 20 години, важат за бенд, кој покрај добар звук имаат и проникливи текстови, пренесувајќи критиката на модерното општество и животот кој го живееме.

На 7-ми декември „Хладно пиво“ ќе нè соберат на едно место и со урнебесно енергичен настап ќе ни одржат лекција. Не е сè така сиво!

Chase & StatusВелика Британија

Британските бејс продуценти и херои на електронската сцена Chase & Status пристигнуваат во Скопје. Chase & Status на 7-ми декември во СЦ „Борис Трајковски“, ќе настапат со моќен сет на фестивалското Таксират финале и конечно пред македонската публика ќе покажат зошто важат за едни од најпочитуваните изведувачи во drum’n’bass светот!

Chase & Status повеќе од 16 години се активно присутни на светската музичката сцена и се вклучени меѓу хедлајн артистите на најголемите фестивали во светот. Во мај, годинава, го издадоа нивниот најнов албум, насловен „RTRN II JUNGLE“ со кој доаѓаат и на сцената на Таксират.

Vojko V Хрватска

На ТАКСИРАТ 21 се приклучува Војко В, легендарниот хрватски рапер и стиховен еквилибрист, добитник на три награди Порин годинава. Тој е познат и по својата работа во бендовите Дјечаци и Киша Метака. Во 2018 година одлучи повторно да заплови по соло водите и истата година оствари рекорден успех, веднаш распродавајќи ја малата сала во Домот на спортови во рамки на загрепската промоција на деби-албумот, „Војко“.

Дека неговото враќање на соло кариерата е одлична одлука, покажа тоа што неговиот прв сингл „Зови човика“, е прегледан речиси 3 милиони пати. Според хрватските медиуми, неговата кариера буквално експлодираше и за помалку од една година, Војко В стана еден од најраспродаваните артисти во регионот.

По успехот со „Зови човика“ во јануари минатата година, го „сруши интернетот“ со соработката со Тончи Хуљиќ и објавувањето на „Паста Италијана“. Пред настапот во распродадениот Дом на спортови, го објави спотот за „Како то“, кој го направи моментално најголемиот изведувач во регионот.

Војко В со прв настап во Скопје на главната бина како еден од најбараните изведувачи во регионов. Може? Не може. 7.12. СЦ Борис Трајковски.

Београдски СиндикатСрбија

После 6 години, најголемиот хип-хоп колектив од Србија, „Београдски синдикат“ – се враќа на Таксират 21.

Групата е оформена на 21.3.1999 година, три дена пред НАТО агресија на тогашната СР Југославија. Со текот на годините, „Београдски синдикат“ прерасна во една од најмоќните рап групи во Србија.

Нивните песни често укажуваат на различни проблеми во општеството. Едни од нејзините најпознати песни кои се однесуваат на општествените проблеми се „Niko ne može da zna“, „Welcome to Srbija“, „Pravo kroz vetar“, „Zajebi“ и „Sistem te laže“.

Легендите од Дорчол на 7-ми декември во СЦ „Борис Трајковски“, ветуваат енергичен настап со гласни пораки без забранети теми.

СуперхиксМакедонија

Ска-панк бандата, СУПЕРХИКС која четвртина век ја размрдува домашната сцена и којa во 2012 година го прослави своето полнолетство на Таксират на 7-ми декември ја пречекуваме на главната вечер на Таксират Фестивал #21!

Овој шестчлен бенд, своето постоење го започнува на почетокот од 90-тите и е формиран од страна на тројца средношколски пријатели: Петар Младеновски, Борис Минов и Зоран Жежов. Комбинацијата од ска, панк и хардкор се почетоците од музичката одисеја на СУПЕРХИКС, кој во моментот е надополнет со тенор саксофон, труба и флигел хорна.

Во 2000 година го објавуваат првиот студиски албум, насловен како „Чекај бе, викам…“ во издание на „Литиум Рекордс“ и нивниот карактеристичен звук со балкански битови ќе го привлече вниманието на публиката и ќе добијат поддршка од ТВ и радио станици низ целата земја.

Приказната за СУПЕРХИКС продолжува со издавање на нивниот долгоочекуван албум „Трумано“, кој во првите месеци е распродаден во 25 000 примероци, а 4 синглови од последниот албум „згрмуваат“ на сите радио и ТВ канали во Македонија, но и на Балканот. Во 2004 година следува европска турнеја на бендот што завршува со спектакуларен концерт во Скопје, свирејќи пред 5 000 луѓе.

Студиските албуми „И сега што“ (2008), „Африка“ (2012) и „Underground Evergreens“ (2017) следуваат во наредните години и го издигнуваат бендот на едно повисоко рамниште. За сите оние кои уживаат во ска-панк, СУПЕРХИКС претставува поим за квалитетен бенд и музика што ја размрдува целата публика.

ВеркаМакедонија

Моќниот звук на настапите во живо, миксот со традиционалното и текстовите на наш јазик ги ставаат во категорија – the best of Macedonia.

Етно метал бенд, Верка, кои се потпишуваат зад три студиски албуми ќе го отворат Таксират фестивал 21, на 7-ми декември во СЦ Борис Трајковски.

Buntai Хрватска

Buntai e кјут јапонско име за генг, или група, а тоа e и совршениот опис за нив. Најмладите и најкјут на хрватската трап сцена. Претходниот месец излезе хитот „Roxtar“ со Kuku$, а ако ги преслушувате, препорачуваме „Air Max“ и „Hangman“.

7-ми декември, втора хала – Taksirat Festival #21

Kuku$ KlanСрбија

Ако не си ја чул „Real Slavs“, провери дали ти се платени ланските сметки за интернет од септември, можно е да си немал интернет и живееш во изолација. А ако си ја чул, не брзај со радости има и друг материјал што треба да се научи/повтори. Загребската menage a trois, Балканот го освои со уште пар синглови како „Oce K….“ ft. Fox, „Bode Miller“ ft. Surreal и најновиот хит наречен „Roxtar“ со Buntai.

MVRSVRМакедонија

MvrSvr Production или министерство за внатрешни работи сектор за внатрешни работи за неупатените. Домаќините меѓу траперите, индивидуално познати како Донплеја - директорот на МВРСВР, Бон Праскиза - своевремен доајен на камсерството, Секси Марса од Тафталиџе и Принцес Донатсу како претставничка на погордиот пол.

30zonaХрватска

Со отворено досие и неколку хитови зад нив, загребското дуо 30 Zona веќе го запечати своето место на трап сцена. Shin и Galaš доаѓаат за прв пат во Македонија, а очекуваме атмосфера во која ќе заборавите дека сте на Taksirat Festival #21 и ќе се осетите како на утакмица: ФК „Илинден“ – Долнени со ФК „Пелагонија“ – Логоварди.

KlinacСрбија

Klinac е најмладиот трап артист на Taksirat Festival #21, соодветно за неговиот алијас. Нека не ве лажат годините. Основач е на еден од најпознатите трап лејбели на балканот - Apollo. Доаѓа од Србија и пред еден месец го извади синглот „Nemam Mira“ кој растури на Youtube. Чујте ги и „Korak Ispred“ и „U sumrak svetla“